අව්රෝරා කුමරිය
සියවසක නිදි ගැට හැර බලා සිටිනු
නපුරු මායාකාරිය
මග දිගට එලනලද
මායම් දැල ඉරා
සිරුර සම් මස් ඇට
දවායන තරම් රුදුරු
ගිනි දැල් විදින
ලේ පැහැති මකරුන් මරා
එන්නම් නුඹ සොයා,,,
අව්රෝරා කුමරිය
මා එන්නටත් කලියෙන්
කුමර වෙස් ගත්
ගමේ ගොඩේ රස්තියාදුකාර
කොලු ගැටයන් විත්
නුඹෙ දෙතොල සිඹීවි
තවම නිදි මෙන්
දෙනෙත් වසාගත්වනම
සිටින්
මා වෙනුවෙන්ම..
එදවස
මහජන උද්‍යානය වසා සිටි
නා රුක මුල හිඳගෙන
බිම වැටී තිබී
හිස ගැසූ නාමල
තවම සුවඳද??
කුමරිය සොයා එමි
හැකි ඉක්මනින්
සයනයේ වැතිර
දෙනෙත් වසාගෙන
සිටින් නිදිමෙන්
මා විත්
නුඹෙ දෙතොල
සිඹින තුරු,,
කුමරුනි ,
ReplyDeleteවසාන ඉමි
දෑස කිසිවිටක
නොහරිමි . . .
පවසන්න ,
කෙලෙසකද සොයනුයේ
කලක් ගතව පෑමින
සිපගන්න උරුමකරු
නුඹම දෑයි
තිර ලෙස . .
එන යන
සිපගන්න
නුහුරු නුපුරුදු
අනන්තවත් අය අතර
වෙනසක් නොදැනේවි
දහස් ගණනින් පෑව
චුම්බනයෙන් වෙනසක්
මට . .
නපුරු මන්තර
දසත වටවුණු
මේ බිමෙහිම මෙලෙස
තවත් තරකොට
දෙනෙත් වසාගෙන
නිදන්නම් සදහටම
සිප නොගෙන
දහස් ගණනින්
එන යන අය . . .
අවුරෝරා වෙමි මම
පතන්නම් මතු දිනක
උපදින්න නුඹ වෙතම
මන්තර කාරිගෙන් මිදුණු
අපේවුණු ලෝකයක . . .
අව්රෝරා කුමරිය
ReplyDeleteසිටින් නිදා ගත් වනම
මා විත් අඬ ගසන්නම්
පෙරදින
මහජන උද්‍යාන්ගනය
සිසාරා අත් වැල් බැඳන්
යමින් ගමන්
නුඹට ඇමතූ සුරතල් නාමයෙන්..
ඔබ මා පමණක්ම දන්නා..
ඒ නැතත් හඳුන ගනීවී
නුඹ මගේ උණුහුම
සසර බැඳි සෙනෙහස..