Sunday, July 24, 2011

ගැටවර කන්ද_______

මහ වනයක් මැද
තමන්ගෙ පාඩුවෙ
බිමත් බලාගෙන
ගලා බහින ගඟ
දැක දැක ඉන්නට
බැරි හැටි කන්ඳට

ඇය දුටු මුල් දින
සිට මේ කන්ඳට
නින්දක් නැති බව
කියනව හරියට

පසු දින අලුයම
හිරු නඟිනා විට
මඟ රැකගෙන හිඳ
''ගුඩ් මෝර්නින් ගඟ''
කියනව හෙමිහිට
නෑසෙන තරමට
අහල පහළ ඉන්නා
කඳු ගැටයට

හොරැහින් බැලුවත්
නොඇසුන ගානට
අඩම්බරයෙන්
ඔරවා කන්ඳට
ඇය යයි සන්සුන්
ගමනින් දිගටම

කහ මල් ගවුමක්
ඇඳ ගී මුමුණන
මිටියාවත පීරා
එන මඳ සුළඟට

කොඳුරා කිව්වලු
කන්දක දුක් ගීතය

ලා නිල් පැහෙයෙන්
දිදුලන ඇගෙ වත
විනිවිද පෙනෙනා
සළු හඳිනා ගත
යන එන විට
කඳු සිඹිනා කෙස් රොද

ඇය දුටු මුල් දින
මගෙ සිත ගත් බව
කියන්න සකිසඳ
ඇය එන මඟ හිඳ






2 comments: